عید میلاد النبی (ص)
(عید میلاد النبی (ص
اللہ کی عطا ہے محبت رسول کی
ورثہء انبیا ہے فضیلت رسول کی
۔۔۔
دیتا رہا جو جان کے دشمن کو بھی دعا
درکار پھر ہے آج وہ سیرت رسول کی
۔۔۔
عشقِ رسول عشقِ خدا کا ہے آئینہ
دیکھا خدا کو دیکھ لی صورت رسول کی
۔۔۔
انکار اہلبیتِ بنوت سے الاماں
دعوت یہ کارِ شر ہے عداوت رسول کی
۔۔۔
یاسین کا وجود محمد کا ہے وجود
تطہیر کا مزاج طہارت رسول کی
۔۔۔
خوشبو نبیء پاک کی ہر لفظ لفظ میں
قرآن کر رہا ہے تلاوت رسول کی
۔۔۔
اپنے عمل کو زینتِ کردار کرنا ہے
گر چاہتے ہو تم بھی شفاعت رسول کی
۔۔۔
کس سے بیاں ہوں رحمتِ کُل کی فضیلتیں
قرآں کا حرف حرف فضیلت رسول کی
No comments:
Post a Comment